apnay ashaar ko ruswaa sar-e-bazar karun,
kese mumkin hai ke me midhat-e-darbar karun,
dil me maqtool ki tasveer liye phirta hun,
or qatil se aqeedat ka bhi izhaar karun,
yehi manshoor-e-mohabbat he k wo pekar-e-zulm,
jis ko nafrat se nawazay me osay pyar karun,
ab mere shehr ki pehchan hai ek wada shikan,
shehriyat badlun k tareekh ka inkaar karun,
raat bhar jaag k tameer karun qisr-e-umeed,
subh-e-takmeel se pehle osay mismaar karun.
No comments:
Post a Comment